خاص للصفقة
أميرة عبيد "للصفقة": الرجاله مش واخده حقها ورضوي الشربيني فوق رأسي سواء اختلفنا او اتفقنا
هاجر عاطف
تسعي إلى أن تكون واحدة من الأمثلة المشرفة في الإعلام المصري ،وتحاول دائما الحفاظ علي صورة الرجل المصري وإحترامه وتقديره كما يجب ، وأيضا على قواعد إستقرار الأسرة المصرية العظيمة، عملت "رئيس تحرير" برنامج "خط أحمر" بعد رحلتها الصحفية التي أمتدت لعدة سنوات والذي يحقق نجاح كبير و نسب مشاهدة عالية حتى الآن، وأخيرا تستثمر هذه النجاحات وتتألق ببرنامجها "هي وهما" علي قناة الحدث اليوم، إلتقت "الصفقة" بالإعلامية أميرة عبيد، بعد تكريمها من مؤسسة "حلم التنمية" مؤخرا، وكان معها هذا الحوار.
كلمينا عن تكريمك في مؤسسة حلم التنمية ؟
والله"مؤسسة حلم التنمية" مؤسسة جميلة وهادفه ومبسوطة ان انا اتكرمت منها واتمنالهم دايما التوفيق والنجاح.
شايفين ان المذيعة اميرة عبيد عاملة نسبة مشاهدة عالية ونجاحات كبيره .. ايه اكتر الحلقات اللي حققت نسبة مشاهدة عالية ؟
الحمدالله، عندي حلقات كتير جدا عملت نسب مشاهده عالية وناجحه ولكن أخر حلقة كان عليها جدل كبير جدا لان هي بتخص الاندر ايدج "أطفال صغيرة السن" أكتر من الناس الكبيره فكانت الحلقة دايره في اطار حوار الهدف منه ان احنا نقدم محتوي هادف.
- ايه الحلقة اللي نفسك تقدمي موضوع عنها؟
نفسي أوصل للناس ان لازم نحافظ علي استقرار الأسره والستات ترجع زي زمان والرجاله تعرف قيمة الست اكتر من كده.
- بتزعلي لما حد بيشبهك برضوي الشربيني ؟
لا طبعا مش بزعل ومش بفرح ، رضوي الشربيني زميلة فوق رأسي سوء اختلفنا او اتفقنا علي المحتوي التي نقوم بتقديمه، وهي تقدم محتوي وانا محتوي أخر ليست نفس الشئ ، وانا مش ضد المرأة انا مع المرأة المصرية التي تسعي للحفاظ علي أسرتها وبيتها وتحترم الراجل ومع الراجل لان في الفترات الأخيرة يوجد شريحة كبيره من الرجالة مش واخده حقها من الستات.
- لو هتقدمي رسالة ليارا .. بعد ما كانت سبب في فتح خط الهجوم عليكي .. تقولي ليها ايه ؟
اتمني تقدم هي وزوجها محتوي هادف، والهجوم الذي حدث علي حلقة يارا وزوجها كان هجوم زائف من بعض اللجان الإلكترونية ومن بعض الاندر ايدج (الأطفال صغيرة السن) اللي هما مش فاهمين بيعملوا ايه.
