في ليلة عرفات..أحمد العوضي يدعو لزوجته بكلمات مؤثره..تعرف علي التفاصيل

نشر الفنان أحمد العوضي علي صفحته الشخصية “فيس بوك” رساله يدعي الله بأن يستجيب دعائه بأن يشفي زوجته ياسمين عبد العزيز فقال:

إذا اردت ان يستجيب منك الله فإبدأ بمسألة الصلاة علي سيدنا محمد ثم سل مسألتك  فإن الله يستحي ان يستحيب في إحداهما ويترك الأخرى...  اللهم إني اسألك الصلاة والسلام علي سيدنا  محمد .. اللهم اشفيها وعافيها وفرج عن كربها .. اللهم أرح قلبي وأرزقنا السكينه .. اللهم بدل الحال الي حالٍ طيب.. وصلي اللهم علي محمد نبينا خاتم الأنبياء والمرسلين.

 

يذكر أن الفنان أحمد العوضي قد وجه رسالة مؤثرة لزوجته الفنانة ياسمين عبد العزيز بعد دخولها غرفة العمليات خلال الساعات الماضية.

وعبر حسابه على Facebook‎‏، كتب أحمد العوضي "يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامه ... انا لاول مره اكتب من غير ما اكون مفكر انا بكتب ايه وهكتب ايه".

وتابع العوضي "بس انتي هتقومي ان شاء الله باذن الله عشان انتي وعداني وعد وهتتفذيه ... انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك .. 

واختتم "ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".

وطلب الفنان أحمد العوضي من جمهوره الدعاء لزوجته الفنانة ياسمين عبد العزيز بعد دخولها غرفة العمليات دون الكشف عن مزيد من التفاصيل.