طعم النجاح مع العلم مختلف.. رسالة من حمو بيكا لطلاب الثانوية العامة

وجه مغني المهرجانات حمو بيكا، رسالة لطلاب الثانوية العامة والكليات، بالتزامن مع امتحانات نهاية العام الدراسي.

وكشف بيكا عن حجم المعاناه بسبب عدم تعليمه، مؤكدا بأن طعم النجاح مع العلم مختلف.

ونشر بيكا منشور عبر صفحته الرسمية على فيسبوك قائلا: "هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح ) ، صدقوني و الله طعم النجاح مع العلم مختلف تماماً عن طعم النجاح من غير علم". 

العلم بيفرق في كل حاجة في الدنيا 

وتابع "العلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة ". 

وأضاف بيكا" هو اه الشارع علمني كتير ، بس مش زي المدارس و الجامعات ، حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس ". 

 واختتم كلامه" اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده، انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم ".