تامر حسني يشارك كواليس حفلة في أسبانيا ودعم ابنته: "ماتخافش يابابا"
هاجر عاطف
شارك الفنان تامر حسني مع جمهوره كواليس حفله الغنائي الأخير في أسبانيا، ضمن احتفالية نادي ألميريا بافتتاح ملعبه الجديد استاد باور هورس.
ونشر تامر حسني صورة جمعته مع ابنتيه تاليا وأمايا في كواليس الحفل، مؤكدا أنه استمد منهما الدعم قبل الصعود إلى المسرح.
وشارك تامر كواليس التقاط الصورة كاتباً: "قبل صعودي المسرح للحفل الأسطوري لنادي الميريا بإسبانيا، اللي هحكيلكوا كل تفاصيله في البوست القادم، مش عارف أنسى لحظة لما شافوني خايف عشان أول مرة أواجه جمهور أسباني بالكامل".
وأضاف تامر حسني: "مكنتش عارف إزاي هيستقبلوني فكان باين عليا التوتر، ففضلوا جانبي طول الوقت وبيدعولي وبيقولولي متخافش يا بابا، لحد ما نزلت كواليس أرض الملعب متفائل بدعواتهم وطبعاً المفاجأه استقبال الجمهور الاسباني ليا و ليها بوست خاص".
وتابع: "وطبعاً أستاذ آدم معانا بس كان نايم كالعادة عشان الوقت كان متأخر. ربنا يخليكوا ليا يا فرحة عمري".
يذكر أن شارك الفنان تامر حسني، جمهوره بصورة له أثناء ذهابه للمطار استعدادا للسفر لـ اسبانيا ، لحفل افتتاح ستاد كرة القدم الاسباني باور هورس بنادي ألميريا.
وعلق تامر حسني "صباح الفل على احلى ناس .. في الطريق ان شاء الله لإسبانيا طبعاً مش بالعربيه رايح المطار استعداداً لحفل افتتاح ستاد كرة القدم الاسباني باور هورس بنادي الميريا".
كما يذكر أن تامر حسني يعرض له حاليا فيلم "بحبك" من تأليفه وإخراجه وبطولته إلى جانب هنا الزاهد، هدى المفتي، حمدي المرغني ومدحت إسماعيل.
