أزمة الفنانة منة شلبي الأخيرة
ريهام سعيد تهاجم المدافعين عن منة شلبي: مش عشان أدافع ابيح المخدرات
علقت الإعلامية ريهام سعيد على واقعة القبض على الفنانة منة شلبي بسبب حيازتها لمواد مخدرة بعد وصولها لمطار القاهرة قادمة من نيوبورك، قبل أن يتم إخلاء سبيلها مقابل كفالة مالية.
ريهام سعيد تهاجم مدافعي منة شلبي
وخلال حلقة برنامجها "صبايا الشمس"، قالت الإعلامية ريهام سعيد "أنا مش عايزة اتطرق ومش هجيب سيرة اي حد ولكن لما أي حد يطلع البرنامج هو بيطلع برضاه علشان يؤثر في الرأي العام".
وأضافت ريهام سعيد "اللي بيحاول يدافع عن فنان أو فنانة معينة ويطلع يقولك أصل الماريجوانا دي مش مخدرات هو ده اللي خطأ لأن ابني بيتفرج عليك وتطلع تقوله أن نسبتها مصرح بها في الآخر ولكن في الآخر دي مخدرات لو ملهاش أثر أنها تبقى إدمان ولكن لها أثر نفسي وهي كيمياء تدخل المخ مينفعش اطلع أقول أنها عادية ودي رسالة مش علشان ادافع عن حد أوصل رسالة للناس كلها خطأ".
وكانت النيابة العامة أمرت بإخلاء سبيل الممثلة منة شلبي بعد استجوابها إثر ضبطها بمطار القاهرة الدولي عائدة من الخارج وبحوزتها مواد يُشتَبه في كونها مخدرات، وورود محضر بالتحريات حول الواقعة، وذلك إذا ما سددت ضمانًا ماليًا قدره خمسين ألف جنيه.
