البيج رامي
بعد خسارة مستر اوليمبيا.. بيج رامي: هكمل طول ما فيا نفس
10:13 م - الأحد 18 ديسمبر 2022
بيج رامي
علق البطل المصري بيج رامي على خسارته لقب مستر أولمبيا 2022 قائلا " طول ما فيا نفس هكمل وهدرب وهشارك فى العام المقبل".
وتابع فى بث مباشر عبر صفحته الشخصية على السوشيال ميديا،" أنا مسامح كل اللى انتقدني إلا الخوض فى الأعراض ..وبشكر كل بيت فى الوطن العربي وكل أم دعتلي لازم أرجع وأكون عند حسن ظنكم.. واللى جاى هيبقي أحسن".
وقال " أنا لسه عايش ماموتش وطول ما أنا عايش هدرب وأشارك.. أنا مريت بخسارة ومكسب كتير فى حياتى وده اللى مخليني بيج رامي .. أنا عندى مسئولية ناس كتير وحلم شعب وناس صدقتني ".
وتابع" الرياضة مكسب وخسارة وأنا لسه جوايا اللى يقدر يخليني أكمل لحد آخر نفس فى حياتي".
