أعمال طلعت زكريا
إيمي طلعت زكريا: بحب أشوف أعمال والدي وأركز فيها علشان أتعلم من خبرته
تحدثت إيمي طلعت زكريا عن والدها، مؤكدة أنها ما زالت تتابع أعماله وتركز في تفاصيل أدواره حتى تتعلم منها.
وقالت الفنانة إيمي طلعت زكريا، في تصريحات تلفزيونية، إنها تتابع أعمال والده الراحل دائمًا وتركز في تفاصيل العمل الفني.
وأضافت: بشوف التفاصيل وأركز فيها جدا وأعرف ليه كان بيعمل كده في كل مشهد، وخاصة تفاصيل صوته وحركاته، وفيه أبناء فنانين كتير مش بيقدروا يشوفوا والدهم أو والدتهم بعد رحيلهم لكن أنا بحب أشوفه وحتى لو في التلفزيون لازم أتفرج على العمل كامل، وبحب أسمع صوته دايما لأنه واحشني.
عمر طلعت زكريا
في سياق آخر، قال الفنان عمر طلعت زكريا، إنه شارك في الجزء الرابع من مسلسل نصيبي وقسمتك متابعًا: أنا أنتمي للإنتاج بشكل أكبر وأنا بشتغل مدير موقع تصوير، وشوفت رحلة طلعت زكريا ومعاناته، وهو بيشتغل وهو مريض، وبدأت أشتغل معاه وأنا في إعدادي وقالي هتبقى مدير أعمالي.
تابع الفنان عمر طلعت زكريا: أنا فضلت العمل خلف الكاميرا، ومعرفة تفاصيل التصوير والإنتاج، ووالدي كان بيساعدني ويعلمني، ولما كبرت شوية قالي أنت لازم تشتغل في الإنتاج، واشتغلت معاه في أكثر من عمل وشاركت مع والدي في فيلم مصري مغربي اسمه إخناتون في مراكش وحقق نجاح كبير في المغرب.
