ياسمين عز: صوت أستاذ عمرو أديب مزيكا بيطربني وفي برنامج "الحكاية" كل حاجة تلاقيها

وجهت ياسمين عز مقدمة برنامج "كلام الناس" رسائل لمنتقديها وذلك بعد قرار إحالتها للتحقيق معها فيما هو منسوب إليها من مخالفات مهنيه وقانونية.

رسالة ياسمين عز لمنتقديها 

وفي مقدمة حلقة اليوم، الجمعة، من برنامجها "كلام الناس" أعطت ياسمين عز نصيحة لمن ينزعج من برنامجها ومحتواه قائلة:البرامج أنواع في برنامج صحة، تجميل، وطبية، وفي برنامج "كلام الناس"، مضايقك "كلام الناس" مش "عايز كلام الناس" مش عايزة ياسمين عز علشان بنقولك حبي جوزك، ياسمينا يسمينتك مش عجباكي.

وأضافت ياسمين عز لو مش عاوزة ياسمين عز عندك قمر الزمان والمكان الأستاذ عمرو أديب الكبير منور المحطة في برنامج "الحكاية" كل حاجة تلاقيها مرأة وطبخ وسياسة يعرفك إيه اللي بيحصل بالتفصيل، محتاجة إيه من الدنيا، زهقتي من "الحكاية" مع أنه ميتزهقش منه يارب يكون 4 ساعات صوت أستاذ عمرو أديب مزيكا بيطربني بيخلني أرقص طربا، زهقتي ارجعي لياسمين عز 4 أيام، وأنا عارفة إنك بتحبي رقم 4، وحاش لله أني بقارن أنا شابة يافعة بمشي المشوار على مهلي والأستاذ عمرو أديب هو من هو.