عمرو أديب عن حبس مرتضى منصور: "أعظم حاجة حصلت "
هاجر عاطف
علق الإعلامي عمرو أديب على قرار رفض طعن مرتضى منصور وتأييد حبسه لمدة شهر، قائلا: «أنا واحد من الناس اللى قال كل شيء في وجه مرتضى منصور».
ربما يعجبك
وأضاف خلال برنامج «الحكاية»، على قناة «إم بي سي مصر»، أن الناس كانت وصلت لمرحلة اليأس، وكان يتردد باستمرار أن عمر ما حد هيقرب من مرتضى منصور، وما حدث اليوم يقول للناس «محدش على راسه ريشة».
وتابع :«لو في شيء يثلج صدر الجميع هو حبس مرتضى منصور، الجميع كان سأل مين ساند مرتضى منصور»، واليوم اكتشفنا أن مرتضى منصور لا يوجد أحد يسنده، ومرتضى منصور عليه قضايا كثيرة ومنها قضايا مرفوعة ضده مني، قائلا: «كل واحد لازم يحاسب على المشاريب».
وأضاف أن الحكم يطرح تساؤلات كثيرة، ومنها من سيتولى إدارة نادي الزمالك؟ هل تجرى انتخابات؟ وما هو موقف اللجنة الأوليمبية المصرية ووزارة الشباب والرياضة؟ وهل سيكون من حق مرتضى منصور العودة لرئاسة النادي مرة أخرى.
وأوضح: «الأمر كله غريب ويثير تساؤلات كثيرة، ولدينا ثقة كبيرة في القضاء أنه يمنح كل شخص حقه، لكن مصير النادي مسألة جوهرية».
وتابع «أديب»: «ناس كتير فاكرة إني هعمل فرح النهارده، بس أنا قلت رأيي في وجود مرتضى منصور. أنا قلت لمرتضى كل حاجة في وشه واتشتمت وأمي اتشتمت. عمري ما هتكلم على حد لا يملك الرد».
وأكمل: «الحكم جه من عند عليين، الناس كانت بدأت تيأس، كان ماشي في البلد إن ده ماحدش هيقربله ومين سانده، وفي لهو خفي، إذا كنت بتقولي إيه أعظم شيء حصل النهارده، المشهد اللي انت شايفه ده، إن الناس كان عندها شك كامل إنه لا يمكن حد هيلمس مرتضى منصور، هو نفسه قال مين ده اللي هيحكم عليا؟! ليس عندًا أو تطرفًا طبقًا للقانون هذا الرجل تمت معاقبته، ما حدث يؤكد أن مفيش حد على راسه ريشة».
