كهربا: بعد إيقاف 6 شهور الحمد لله قدرت أقف على رجلي وأكمل مسيرتي

أعرب محمود عبد المنعم كهربا، لاعب النادي الأهلي، عن سعادته باستعادة مستواه ووقوفه على رجله مجددًا بعد فترة إيقاف طويلة، مشيرًا إلى امتنانه للجميع في الأهلي للوصول لما هو عليه الآن.

قال محمود كهربا على صفحته الشخصية على موقع التواصل الاجتماعي "فيسبوك":" بعد إيقاف ٦ شهور الحمد لله قدرت أقف على رجلي تاني و بسرعه جدا و أكمل مسيرتي".

أضاف:" موسم صعب و كله ضغوطات إنتهى بأن الأهلي بطل كل حاجه و بكرم ربنا و دعم جمهور الأهلي قدرنا نحقق كل البطولات إللي شاركنا فيها".

تابع كهربا:" مكنش هينفع إننا نستسلم في وسط الطريق كان لازم نكمل للآخر زي الأهلي ما عودنا كنت بستني الإيقاف ينتهي بفارغ الصبر علشان أقدر أشارك و أجتهد". 

أشار كهربا:" تعرضت لضغوط كتير و ناس بتحاول إنها تعطلني بس ربنا كان ديما في ضهري و نصرني الحمدلله  في أي ضغط من الضغوطات الكتير الي اتعرضتلها كنت برميه وراء ضهري و أركز في تمريني وأركز في الملعب وأسعد جمهور النادي في محاولة إني أرد و لو جزء بسيط من فضل جماهير النادي في دعمهم ليا و وقوفهم في ضهري من أول يوم كنت فيه في النادي".

أكد كهربا:" ولا أي كلام هيوفيهم حقهم ولا هيوصف اللي في قلبي من ناحيتهم الحمد لله قدرنا نحقق كل حاجه و في النهاية بشكر كل شخص قدملي المساعده ووقف جنبي من أول بيتي النادي الأهلي و مجلس الإداره والمدير الفني والجهاز بأكمله وإخواتي في الملعب إلى عمال غرفة الملابس والمنظومه جميعا".

أتم كهربا:" أشكر عائلتي الداعم الحقيقي و الدائم في كل الأوقات .. بشكر كل إللي وقف جمبي و كان بيشجعني و كان حافز إني أكمل و مستسلمش  شكرا من كل قلبي..الحمد لله".