محمد سامي خسر الرهان .. نشوي بركات تنتقد نسل الاغراب

قالت نشوي بركات بعد عرض مسلسل نسل الاغراب ...

محمد سامي خسر الرهان  بعد عرض سبع حلقات من نسلالأغراب وده وقت كافى انك تحكم على عمل مش بالتفصيل بس بشكل مبدئى لان بقى فى اعمال بتتكون من سباعيات فا سبع حلقات كافى للحكم المبدئى على عمل .

اولا العمل بطولة اتنين من نجوم الوقت الحالى ومن اقرب الناس لى على مستوى الصداقة والايمان بموهبته لكن متعلمتش ولا اعرف انافق . طول الوقت كان نفسي كرارة يغير جلده ويشتغب صعيدي تحديدا لان عنده المقومات دى وبالفعل اجتهد جدا غى الدور ده لكن واضح ان قبضة محمد سامى كانت مسيطرة حتى على حركة الممثلين فكانت النتيجة عمل مفكك ضعيف بلا هدف او قصة ملئ بالأخطاء والثغرات .

اولا الصعايدة مش قتالين قتله ولا ازهاق الارواح سهل عندهم  وملوش قيمة لا النفس والروح ليها هيبتها دى روح مش زى ما طالعين اى واحد يقول كلمة غلط يتقتل. القصة تافهه جدا وبلا مضمون وحبكة درامية ضعيفة اطاحت باسم محمد سامى اللى انا شخصيا من المؤمنين بيه و اطاحت بالنجوم اللى معاه.

اصرار سامى على شلته فى كل عمل  ده بقى شئ ضد الابداع و العدالة فى اعطاء فرص وفى التسكين السليم  للادوار فا بقى سلوى عثمان و ادوارد و محمد مهران و نجلاء بدر مؤخرا و طبعا مي عمر و ريم سامي مفروضين علينا فى كل اعماله. اصراره ان كرارة يكحل عنيه ويبرق طول الوقت ويزعق على فاضي والمليان ضيع من رصيد كرارة من الرصيد اللى حرص على تكوينة فى السنوات الأخيرة .

مفيش ستات فى الصعيد مع درجات الحرارة اللى بتوصل ل 44 حاطين كحل وروج فاقع طول الوقت ولا جوزها يسمحلها تطلع بيه ولا تطلع كاشفه شعرها .

ريم سامى بتقدم نفس شخصية لؤلؤ بالصعيدي  الخدامة اللى بتهزق عساف  اللى بتتهزله شنبات على حسب العمل  ما بيقول وعلى شكلها الاقل من العادى وقع فى غرامها ولادهم الاتنين علشان يقوم صراع تافه جديد بين الاخين على عليها وكأن الصعايدة كل حياتهم قتل ونسوان بس .

كل الممثلين فى العمل لا عندهم شغله ولا مشغلة غير عساف راح غفران عمل مسلسل فارغ المحتوى والمضمون الحياة واقفة على صراع تافه بين اتنين من اشرس الرجالة على ست. تصوير الشر وربطه بالشكل شى ساذج جدا ان شرير لازم يبرق ويكشر ويزعق طول الوقت  شئ مضحك وضعيف لرسم صورة الشرير.

ان الاخت تهزق مرات اخوها طول الوقت و تضربها وتقل منها وجوزها واقف دى حاجة مش بتحصل فى الصعيد انتوا بتتكلموا عن اكتر المناطق حفاظا على العادات والتقاليد . فردوس عبد الحميد  عودة ضعيفة لم يشعر بها احد بس قلل من تاريخها انها كل دورها تروح لده وده تقولهم متتخانقوش على جليلة.

اخطاء بالكوم نرصد ايه ولا ايه  التناقضات ابرز شئ فى العمل غفران مستقوى بالغجر وفجاة عادى ميفرقش معاه وجودهم ويبقى ضدهم وبيحاربهم ازاى وهو المفروض مستقوى بيهم؟ مي عمر مفروض مكسورة الجناح وبتطلق من جوزها مغصوبة وبتتجوز واحد تانى  هى نفسها البجحة لللى بتقابل طليقها وبتبجح فى الكل انها حنتله وده عيب كبير فى الصعيد مفبش ست بتحن لطليقها وتجاهر بده  .... وكمان بتسيب بيها بيت غفران اللى مربى اسد ومش عارف يلم مراته عبث .. و مكسورة الجناح بتهدد غفران وبتقوله انت ناسي انا مين وانا مش زى الستات المكسورة الجناح ومحدش يهددنى وتخرح تقابل طليقها تانى و اخوها بصوت واطى يقولها ليه قابلتيه تانى وهى ترد ببجاحة اه قابلته علشان احذره لانى خايفة عليه !! سيناريو ركيك و دور فاشل لكل اللى شارك فى العمل  فلوس ومجهود راح فى الهوا . ا السقا فى اسوأ ادواره ... كرارة ضيع الرصيد اللى جمعه السنين الأخيرة  اما الباقين بيعيدوا نفس ادوارهم المكررة بلا روح ولا مضمون ولا اداء برغم ان كلهم اصحاب موهبة كبيرة . كرارة واضح تعبه فى الدور واجتهاده لكن واضح سيطرة محمد سامي حتى على اداءه الحركى وتعبيرات وشه واعتقد لو قدم دور صعيدي بنص غير ده كان هيبقى فى حته تانى وبنصحة محب و حد من جمهور امير محتاج يختفى شويه  علشان يرجع بريق نجوميته لأنه خرق نجوميته مسلسلات وافلام و اعلانات وبرامج كله فى نفس التوقيت محتاج ياخد استراحة محارب  يعيد ترتيب اوراقه ويعرف قيمة نفسه مهما كان المقابل مغري بس حرق نجوميته واتمنى ان العمل ينقلب ويخيب ظننا لانه صدمة لينا احتر ماهو صدمة لاصحابه . اسوأ عمل فى دراما 2021