"أنا وولادي اللي خسرنا شيكا".. زوجة إبراهيم شيكا ترد علي الأتهامات الموجهة لها
هاجر عاطف
ردت هبة التركي، أرملة لاعب الزمالك السابق إبراهيم شيكا، على اتهامات رواد التواصل الإجتماعي لها.
وقالت هبه التركي عبر حسابها الشخصي علي الفيس بوك: "بقالي فتره بيدور في بالي حاجه الناس الي عماله تشتمني وتتهمني ويحسبنوا عليا ويدعوا عليا هو أنا عملت ايه !؟ بجد عملت إيه انا كنت بعافر عشان انقذ حياته مرضتش أتخلي عنه حتي هو بنفسه قال كده !دخلته احسن مستشفيات مصر وديت ورقه جو مصر وبره مصر ولكن لكل ميته اجل تعددت الأسباب والموت واحد ❤️🩹ورضيت بقضاء ربنا وقولت اكيد ربنا ليه حكمه في الي بيحصل".
وأضافت: "ولكن معلش نقف هنا مين فيكم اضرر او أتاذي نفسيا مين فيكم خسر أبراهيم شيكا !؟ أنا وولادي الي خسرنا كتير اوي انا الي بقيت ارمله في سن ما اي بنت قدي لسه بتبدأ حياتها أنا الي أولادي بقوا أيتام خسرو أبوهم الي كان في عز شبابه السرطان سرقه مننا اي كلام تاني بيتقال ما هو إلا إنكم بتشوهو ذكره أبوهم الي استحمل وعافر قصاد المرض لآخر نفس فيه بتكذبوا أبراهيم نفسه قدام ولاده وقدام العالم كله ليه استفدتو ايه ده من اول يوم تعب فيه وهو بيقول أنا قدها وقد السرطان كان بيشاركم وجعه حتي جلسات الكيماوي كان بيشارك الحزن والفرح كان بيشارك حتي مشاعره ليا ومواقفنا سوا الحلوة والصعبة في الاخر بعد ما البلد كلها شافت أوراق شيكا وعرضوه علي دكاتره سيادة الوزير اشرف صبحي وسيادة المستشار مرتضي منصور ونادي الزمالك وادارته وكابتن ممدوح عباس والمغنين والممثلين وأصحابنا والفانز الي كأنو مترددين عليه ومستشفي الجوي والقوات المسلحة المعادي وكل الدكاتره دي غلط وكل الي عيشته وعافرته عشان بس اعمل كل الي عليا ومخسروش في الاخر طلعتوني وحشه أنا طلعت كده أبراهيم الي لاخر نفس في عمره نادي عليا عشان ياخدني في حضنه !ويودعني كل ده كان ايه عشان في الاخر تطلعوني وحشه كده أبراهيم الي حارب السرطان أبراهيم الي حياته كانت اغلي عندي من نفسي كنت بعافر بايدي وسناني كنت بطلع اقول والنبي الحقوه حالته بتتاخر نص دكاتره الأورام في مصر تشهد عليا قدام ربنا".
وأوضحت: "ليه بجد يحصل معايا كده ليه يتقال عني كده ليه أنا بالذات ليه بعد كل الي عملته ده تشوهوني والواحد طول عمره بيخاف ربنا وبيراعي ربنا في كل الي حواليه يتقال عليا بعد ما أبراهيم نفسه كان مسميني الجبل ❤️🩹عشان طول الوقت يقولي أنتي اكتر واحده استحملتي وجع وتعب شيلتي همي يا جبل ابراهيم الي كان بيفوق من البنج ينادي عليا إبراهيم الي كانت كل حياته هبة ويشهد علي ده كل الي قريبن مني بما فيهم أهله وأهلي في الاخر تيجوا انتو من وراء شاشة موبايلكم تطلعوني إنسانه وحشه مش مسامحكم دنيا ولا اخره اي حد قال عليا كلمه ومشفهاش اي حد قال اني تاجرت بيه اي حد قال اني اذيته خصيمتكم ليوم الدين لا سامحكم الله ولا عفاء عنكم وأذاقكم مرارة الأيام الي صعبتوها عليا ❤️🩹🤲مش متخيله ان في ناس بتضحك اما بحسبن علي الي ظلمني اضحكوا في الدنيا ونأجلها لوقفتنا قدام ربنا نشوف ساعتها هتضحكوا ازاي وانتو خوضتوا في عرضي وشرفي وتربيتي وسمعتي رب الكون حرم الظلم علي نفسه ويارب نفس الشعور عدلا وليس حقدا"
ويذكر أن ردت هبة التركي، على اتهامات فتاة- تزعم أنها ابنة الرئيس الأسبق محمد حسني مبارك والفنانة المعتزلة إيمان الطوخي- تدعي فيها تورط التركي رفقة الفنانة وفاء عامر في تجارة أعضاء لاعب الزمالك الراحل.
وقالت: «وفاء عامر قالت لو حتى علاج إبراهيم شيكا بره مصر هيتكلف إيه، هي هتسفره وهتعالجه، حتى توفاه الله، وهي حتى الآن واقفة جنبي بتساعدني في كل حاجة وواقفة جنبي».
وأضافت: «البنت مش مدعية على هبة التركي ووفاء عامر بس، هي مدعية على ناس كثيرة منهم عايشة وناس ماتت وناس مراكز في البلد، الناس بتقول إنها مش متزنة عقليًا، أنا حاسة إن في وراها قصة كبيرة، أو بتتكلم عشان حاجة معينة في دماغها… الله أعلم».
