هيدي كرم توجه رسالة مثيرة للجدل للرجال: جنة الخلد فوق مش هنا يا حبيبي

وجهت الفنانة هيدي كرم، في رسالة عبر مواقع التواصل الاجتماعي هجوم للرجال.

وخرجت هيدي كرم، عن صمتها لتوجه سؤالًا مثيرًا للجدل للسيدات والرجال، وذلك من خلال مقطع فيديو عبر حسابها الرسمي على موقع إنستجرام.

وقالت هيدي كرم، خلال الفيديو: ليه الراجل لما يقابل ست كويسة لطيفة عظيمة هادية وتاخد بالها منه ومن حياته وتدخله حياتها، تحققله المعادلة الصعبة الحب والاستقرار والأمان والعطاء والحاجات الجامدة دي، ليه يتعامل معاها على أنها دخلته جنة الخُلد، اللي هي الجنة اللي نخش فيها وما نخرجش، اللي ما لهاش نهاية، مهما حصل في الدنيا أحنا قاعدين في جنة الخُلد مش هنخرج .

https://www.instagram.com/reel/DQ1HZAFiFOF/?igsh=cnBsZmJkMHcwZHU4

وأكملت هيدي كرم حديثها للرجال: لا يا حبيبي حضرتك لما ندخلك جنتنا أوعى تفتكر أنها جنة الخُلد جنة الخُلد دي فوق عند الله، لما نموت بقى كلنا ونروح هناك مع بعضينا، هنا بقى يا حبيبي جنة الأرض وأحنا مش ملايكة، أحنا بني أدمين فلما تدخل جنتنا وتتربع أوعى تفتكر أنك مهما عملت ومهما عكيت ومهما غلطت ومهما سويت أنك مش هتخرج من الجنة، هتخرج وسبحان الله مرة واحدة، أصل اتقي شر الحليم إذا غضب".

وأضافت: "هوبا خلاص، هوبا قفلنا الدكان، هوبا كان في وخلص، فبتزعل وتنسى أننا بني أدمين وعندنا طاقة، والطاقة لما تخلص خلاص مبنشوفش قدامنا، وفجأة بتلاقي اللي أنت فاكرها جنة الخُلد بقيت نار جهنم قايدة، وأحنا مبقناش الملايكة.