الرئيس السيسي بعيد الميلاد: كلنا واحد وهو ده الرصيد اللى لازم نخلي بالنا منه
قال الرئيس عبد الفتاح السيسى، إن حجم المحبة بين المصريين يزيد يوما بعد يوم منذ 2015، وذلك خلال كلمته بكاتدرائية ميلاد المسيح بالعاصمة الجديدة.
وقال الرئيس السيسي: "عيد سعيد علينا كلنا.. وربنا يحفظنا ويجعل دائما أيامنا أعياد وأفراح.. اللهم أمين".
وأضاف الرئيس السيسي، خلال تقديمه التهنئة للأخوة الأقباط بعيد الميلاد من داخل كنيسة ميلاد المسيح بالعاصمة الجديدة: "كنت بقول أنه فى عام 2015 أول مرة اتشرف بالزيارة دي.. واحتفل وأشوف المحبة اللى بينا.. وفى الفترة من 2015 لحد النهاردة حصل حاجات كتير وأحداث كتيرة وأيام صعبة كتير.. لكن كل مرة بقول الكلام ده.. دايما شعب مصر مع بعض.. كلنا بنحب بعض وبنخاف على بعض ونحترم بعض.. وعلاقتنا كشعب مصر يجب أن تكون بلا أي تمييز.. وتفضل العلاقة قوية ونطورها.. وهو ده الرصيد اللي لازم نخلي بالنا منه.. مفش أنتم وأحنا.. فيه أحنا.. كلنا واحد".
وتنقل قنوات الشركة المتحدة للخدمات الإعلامية (ON – dmc – CBC – الحياة)، قداس عيد الميلاد المجيد على الهواء مباشرة من كاتدرائية ميلاد المسيح بالعاصمة الجديدة، في تغطية خاصة تعكس أجواء الاحتفال بهذه المناسبة الروحية الهامة.
ويأتي بث القداس في إطار حرص قنوات الشركة "المتحدة" على تقديم محتوى متنوع يجسد روح التآخي والمحبة، ويسلط الضوء على رمزية كاتدرائية ميلاد المسيح باعتبارها واحدة من أكبر الكنائس في الشرق الأوسط، وعلامة بارزة للتسامح الديني في مصر.
