علي طريقة اغنيه انا قلبي كوافير داخلين خارجين ليلاتيانتشرت عبر مواقع التواصل الاجتماعي اخبار حول طبيب متزوج

تويتر,أجازة,الصفقة,كشف,فتاه,الفيسبوك,تريندات,رضوي الشربيني,تريند تويتر,#يوميات_خ_م,يوميات دكتور خائن,دكتورخائن

عاجل

"يوميات خ.م" دكتور يتبع اغنية انا قلبي كوافير داخلين خارجين ليلاتي

علي طريقة اغنيه انا قلبي كوافير داخلين خارجين ليلاتي انتشرت قصة عبر مواقع التواصل الاجتماعي، توضح حكاية طبيب متزوج، من منطقة بلدة المنصورة، استغل عدد من الفتيات للإيقاع بحبه، بدون علم زوجته، حيث تصدر هاشتاج "يوميات خ م" تويتر وفيس بوك وأصبح تريند  .



 

يوميات خ م

وكتبت الفتيات سيرة هذا الشاب الخائن، عبر هاشتاج "يوميات خ م" مما جعل المذيعة الشهيرة رضوى الشربيني تشارك فى هذا الهاشتاج المتصدر "تويتر" بمجموعة من التغريدات، فكتبت لجمهورها تتوعد هذا الشاب الخائن قائلة: " انت هتزعل جامد".

 

وبعدها بدقائق، أوضحت رضوى الشربيني قصة الدكتور الخائن، حيث غردت مرة أخرى لجمهورها: " الاستاذ البجح، متجوز ومراته حامل وكاتب كتابه على واحده تانيه وخاطب التالته ومصاحب الرابعة، ده أنت مش هتزعل عادى  

 

 

 

 

 

ونشرت الفتاه التي عقد قرانه عليها رهف تاج الدين ،عبر موقع التواصل الإجتماعي”فيس بوك” قائلة ،البوست الأخير ليا هنا بخصوص الموضوع، وهاخد أجازة من هنا علشان الموضوع بقى صعب عليا وضاغطني بشكل لا يحتمل، جايز يكون اللي حواليا وغضبانين علشاني مبسوطين بالتريند علشان يكون الموضوع عبرة وتوعية، وأنا المفروض أكون قوية وأنا هكون قوية وهعدي الأزمة بس محتاجة أرتاح وأبعد عن الضغط ده.

 

 

أنا مش عايزة فولورز ولا عايزة أطلع في برامج ولا أكتب تصريحات لجرايد، أنا مش عايزة غير إني أقول لكل بنت ما تغرقش بكل مشاعرها ، وتاخد بالها من علامات كتير ما تبانش طبيعية، زي إنه مش عايز يعمل engaged  ليكي على الفيسبوك رغم خطوبتكم الرسمية ويفضل سينجل!

 

 

مهما كان الشخص جميل ومؤدب ومحترم وبيحبك وبيحترمك، ما تديش الأمان الكامل علشان ده اللي خلاني أقع فريسة سهلة لتصديق كل كدبة منه، بالعكس أنا لو كانت عندي شكوك مسبقة كانت الصدمة هتكون أهوّن.

 

 

لازم تسألوا كويس عن الشخص وتعرفوا كل الحقايق مش بس اللي بيقولها عن نفسه.

 

 

تقلقي لو اللي مرتبطة بيه كل شوية يقولك معرفش مين عايزة تقرب مني ومين بتجيبلي هدايا وفلانة بعتالي إيه حتى شوفي الاسكرين.

 

 

أنا ما شوفتش أي حاجة وحشة بالعكس كان شخص داعم جدًا وواقف معايا وورايا في كل خطوة باخدها تخصني وتخص كاريري، أنا اتكتب كتابي وكنت فرحانة بكل تفاصيله ولسه الناس بتباركلي وأنام وأصحى على إن أبويا كشف ببطاقته في السجل المدني بعد ما وصله كلام وفعلًا لقي قسيمته! تخيلوا كنت ماسكة القسيمة في إيدي وما  شكتش فيه بالعكس قلت دي أكيد مؤامرة عليه، وفضل يومين من بعدها يكدب عليا ويسرح بيا وإنه ميعرفش طلعت إزاي، ووسط ما كل أهلي قاعدين يتهموه كنت واقفة بدافع عنه قدامهم.

 

 

ويوصل لأخويا كل الأدلة من واحدة تالتة مرتبط بيها وبالفعل راح اتقدملها، ومكنتش قادرة أشوف ولا أسمع.

 

 

وأخويا بنفسه يتأكد من جوازه وشقته وأنه عمل فرح كامل وكل ده محدش يعرف عنه حاجة لا أهله ولا أصحابه وأنا الوحيدة اللي علاقتي بيه معلنة.

 

 

كمية تفاصيل في الكدب علينا احنا التلاتة، مراته وأنا والبنت التالتة تخلي أي دماغ تشيط. 

 

 

واللي فضح الدنيا إني معروفة إلى حد ما بسبب شغل المايكاب فالبنت التالتة وصلتلي وبعتت لكل اخواتي ومن هنا انكشف كل حاجة. وجوازته اتعرفت بسبب خبر كتب كتابي اللي بابا كتبه عنده فاصحاب الشقة اللي متجوز فيها اصلا صحاب بابا وعرفوه واتأكدنا من السجل المدني وان القسيمة طالعة بعد شهر من خطوبتي.

 

 

أنا اتاخدت غدر، وكل أحلامي اللي حلمتها معاه في ليلة واحدة بقت كدبة والمفروض أفوق منها.

 

 

لسه مش مستوعبة إن الشخص اللي بحبه هو ده، لسه مش مستوعبة حاجة لأنه كان رائع في كل حاجة، أو يمكن النسخة اللي كانت معايا هي اللي كانت كده.

 

ادعولي وخروجني من كل اللي بيحصل، أنا اللي ماسكة كل صحابي وأهلي أنهم ينزلوا صوره واسمه كامل لأني مش عايزة ده، كفاية ان الفكرة توصل وإن الكداب مسيره هيتكشف مهما خبّى. 

 

انا هقفل  ومش هقدر أرد على رسايل أو تلفونات وأتمنى أرجع ألاقي بروفايلي الهادي وأدعولي ألاقي السلام والأمان تاني بعد ما فقدت الثقة في كل حاجة.

 

في نفس السياق ، تداول رواد التواصل الاجتماعي الميم والكوميكسات المضحكة حول الخبر وإليكم أبرز التعليقات ،